VGA ຫຍໍ້ມາຈາກ Video Graphic Adapter ຄື ອຸປະກອນສຳລັບສະແດງຜົນຂອງເຄື່ອງຄອມພິວເຕີ ທີ່ເຮົາມັກເອີ້ນວ່າ:
ກາດຈໍ ເຊິ່ງກາດຈໍຈະເປັນຕົວເຊື່ອມຕໍ່ລະຫວ່າງເມນບອດ ກັບ ຈໍພາບ ຈະຊ່ວຍໃຫ້ໜ້າຈໍສາມາດສະແດງຜົນໄດ້ຢ່າງເຕັມປະສິດທິພາບ
1.1. ຄວາມແຕກຕ່າງກັນລະຫວ່າງ
ກາດຈໍ ແບບ Onboard ແລະ ກາດຈໍ ແບບແຍກຊື້.
➔ ກາດຈໍແບບ Onboard:
ກາດຈໍແບບ Onboard ນີ້ ຖ້າຈະເວົ້າໃຫ້ຖືກແມ່ນມັນເປັນພຽງຂອງແຖມທີ່ຕິດມານຳເມນບອດ
ເພື່ອໃຫ້ໃຊ້ວຽກສະເພາະຫນ້າເທົ່ານັ້ນ, ມັນພຽງແຕ່ຊ່ອຍປະມວນຜົນ ແລະ ສົ່ງສັນຍານພາບອອກມາທີ່ຫນ້າຈໍຄອມໃນລະດັບທີ່ຕ່ຳຫລາຍ
ແຕ່ກໍພຽງພໍສຳຫລັບທ່ານໃດທີ່ໃຊ້ຄອມພິວເຕີພຽງເພື່ອຫລິ້ນອິນເຕີເນັດເນັດ ແລະ
ພິມເອກະສານທົ່ວໄປ
ເພາະວຽກຈຳພວກນີ້ບໍ່ມີຄວາມຈຳເປັນຕ້ອງໃຊ້ຫນ່ວຍປະມວນຜົນພາບແຮງໆມາຊ່ອຍປະມວນຜົນ
ແຕ່ຖ້າຫາກຈະເອົາກາດຈໍແບບ Onboard
ນີ້ໄປໃຊ້ວຽກທີ່ຕ້ອງການການປະມວນຜົນພາບທີ່ສູງໆເຊັ່ນ:
ການອອກແບບ,
ເບິ່ງຫນັງ, ຫລິ້ນເກມ…
➔ ກາດຈໍແບບແຍກຊື້:
ກາດຈໍແບບແຍກຊື້ນັ້ນມີຫລາຍຮຸ່ນຫລາຍຊະນິດໃຫ້ເລືອກ ໂດຍຖືກກຳນົດວ່າ Interface ທີ່ໃຊ້ນັ້ນຮອງຮັບຮູຊຸບຊະນິດໃດ, ເຊິ່ງກາດຈໍມີມາດຕະຖານຮອງຮັບຄືແບບ AGP (Accelerated Graphics Port) ທີ່ປັດຈຸບັນບໍ່ມີຜະລິດແລ້ວ ແລະ ແບບທີ່ປັດຈຸບັນນິຍົມໃຊ້ແມ່ນ PCI-Express (Peripheral Component Interconnect Express) ເຊິ່ງສາມາດປະມວນຜົນ ແລະ ສົ່ງສັນຍານພາບໄດ້ດ້ວຍຄວາມໄວສູງກວ່າແບບເກົ່າ, ສາມາດຕອບສະຫນອງຄວາມຕ້ອງການທາງດ້ານການໃຊ້ການປະມວນຜົນພາບສູງໆ ບໍ່ວ່າຈະເປັນການອອກແບບຕົກແຕ່ງຮູບພາບ, ສະແດງສີສັນທີ່ສົດໃສສົມຈິງເວລາເບິ່ງຫນັງ ແລະສາມາດປະມວນຜົນພາບແບບ Real Time ໄດ້ຢ່າງວອງໄວໃນຂະນະຫລິ້ນເກມ.
